கடவுள் – வேற்றுமை – இணைதல்

இவ்வுலகில் ஒவ்வொருவரும் ஒரு தனிவிதமான சூழ்நிலையில் வேறுபட்ட கருத்துக்களை கொண்டவர்களாக வாழ்கின்றோம். இங்கே வேறுபட்ட, வெவ்வேறான கருத்துக்களுக்கும், வாழ்க்கை முறைக்கும் இடம் உண்டு. ஆனால், கடவுள் பற்றிய கருத்தை எடுத்துக் கொண்டாலும் கூட நாம் வேறுபடுகின்றோம். இதில் அறிவியலைப் புகுத்தி நாம் மற்றோரு வழியில் சிந்திக்கின்றோம்.
எப்படித்தான் நாம் கடவுள் பற்றிய கருத்தில் பேசினாலும் இன்னும் பல கருத்துகளில் நாம் விவாதித்தாலும் அனைவரையும் ஒன்று சேர்க்கும் ஒரே கேள்வி
கடவுள் இருக்கின்றாரா?
இங்கே பதில் வேண்டுமானால் இரண்டாக (ஆம், இல்லை) இருக்கலாம். இந்த கேள்வி ஒவ்வொருவராலும் கேட்கப்படும், கேள்விக்கு உள்ளாக்கப்படும் ஒன்று. ஆதலால், இந்த கேள்வியால் நாம் ஒன்று சேரவில்லை. ஆனால், இந்த கேள்விக்கு காரணகர்த்தாவாக விளங்கும் கடவுளால் ஒன்று சேர்கின்றோம்.